O le va o le masina o Tesema o le tausaga e 2017 ma le masina o Setema o le tausaga e 2019 na faatino ai e se alii 37 tausaga le matua o le nuu o Solosolo, Vaitele fou ma Satapuala ni gaioiga na ia faamalosi ai se auuso teine o lo la matutua i le taimi na aafia ai i lea solitulafono, o le 15 ma le 11 tausaga le matutua.
O le tausaga nei ua 21 tausaga le matua o le tasi o i laua ae o le isi ua 16 tausaga, ae o le masina o Me o le tausaga nei na ioe ai lē ua molia i moliaga o le faiaiga fai faamalosi, ma aumai ai le faasalaga a le faamasinoga, e 17 tausaga i le falepuipui mo le gaioiga na faia muamua i le teineititi matua, ae o le isi na aafia e 12 tausaga le faasalaga i le falepuipui.
O le aiaiga o le faasalaga e lē tulia eseese ia faasalaga faafalepuipui ae tuli faatasi pe concurrent, i le umi e 17 tausaga.
O lē ua nofosala e tusa o faamaumauga a leoleo e lē mamao lona fale ma le fale o le aiga o teineiti na aafia i lana gaioiga solitulafono.
