E ono iai se suiga i le leoleo aupito maualuga i Kuiniselani i se taimi e lē o toe mamao, ina ua faalauiloa e le Komesina o leoleo o iai nei, Katarina Carroll e ono lē toe sailia se faaopoopoga o lana konekarate.
O Iulai e mae’a ai lana konekarate peitai ua luitauina i nisi o mataupu e aofia ai le faaitiitia o le aofai o le aufaigaluega, sauaga i aiga, ma le faatupulaia o soligatulafono a talavou.
Fai mai le komesina o loo ia vaavaai nei i avanoa o loo matala ane mo ia.
Na filifilia Carroll e avea ma Komesina o leoleo i le 2019.
