Ua faailoa le iuga o se suesuega e ono aoga mo nisi e iai popolega i aafiaga e aofia ai ma tamaiti mai taumafa e pei o le pinati, peanut allergies.
O lea suesuega sa faatino e le Australian researchers mo le tausaga atoa na iloa ai o tamaiti e aai i pinati faapuna ua fesoasoani lea i le faatea ai o aafiaga poo allergies mai le pinati.
Faamatala e se tasi tina i le 9News o si ana tama tama e ogaoga aafiaga e maua ai pe a ‘ai i le pinati, o se mataupu lava o le ola ma le oti e pei ona ia faailoa, peitai ina ua maua le iuga o lea suesuega e oo atu i le 80 pasene le aofai o tamaiti ua mafai ona aai i pinati ma leai ni aafiaga e toe vaaia.
Fai mai le suesuega e le o se moli meamata lea mo soo se matua e fafaga ai le fanau i pinati pe afai sa iai ni aafiaga muamua ae ao pea ona vaai muamua se fomai.
