E ono iai se faamāmā avega mo tamaiti aoga i Iunivesite i le tala faatatau o le tupe a le Feterale pe a faalauiloa aloaia.
Ua ta’ua i lipoti i le taeao analeila, o loo silasila le minisita o aoga ia faia ni suiga i le totogiina o peimeni i le HECS, poo le fesoasoani e maua e tamaiti aoga mo pili aoga.
Saunoa le minisita, Jason Clare o loo iai lava le avanoa e toe fetuunai ai suiga i le faiga o peimeni a le HECS ma o le a fesoasoani lea i le faasaoina o tupe a tamaiti aoga i Iunivesite.
O nisi o mea sa fautuaina le faia i le iloiloga sa faatino talu ai e aofia ai le suia o le rate e faatulaga ai peimeni, suia le taimi faatulaga mo nonogatupe ia faaitiitia ai aafiaga o le inflation atoa ai ma le faaavanoa o nisi avanoa mo suesuega tau postgraduate i vaega o loo matuā manaomia ai tomai.
