O se tasi teritori tuese o Ausetalia lea ua ta’ua e ono aafia foi i ni uiga vaivai o uiga o le tau i le vasa Initia e amata atu i le asō.
Ua faailoa e le vaaitau o se vaega vaivai o uiga o le tau ua faatupula’ia e ono avea ma afā i ni nai itula o muamua a o faasolo mālie atu i le itu i Saute o Cocos Island poo Keeling Island foi e pei ona iloa ai ma o lea motu e i le tusa ma le 2750km i le Matu i Sisifo o Perth.
Fai mai le vaaitau e lē aafia ai ogaeleele autū o Ausetalia i lea afā ona e mamao ese peitai e ono aafia ai Cocos Island i matagi malolosi ma timuga.
O loo mātau foi le vaaitau e iai se isi vaega vaivai o le tau o loo faatupula’ia ane i le itu i Matu o le Kimberley Coast i Ausetalia i Sisifo ma e faato’ā iloa i le faasolo atu i le Aso Faraile pe ono faaauau pea e avea o se afā pe leai ae mautinoa o le a aafia foi le faaitu o Pilbara i timuga.
Puna o Faamatalaga: https://www.9news.com.au/national/australia-weather-update-offshore-tropical-cyclone-possible-over-indian-ocean/650e0f81-74cf-4805-8f79-db7e43e31b01
