E tasi le miliona le taui lea ua ofoina mo ni faamatalaga e faatatau i le faalavelave i le 2003 na fasiotia ai se tina e toatolu si ana fanau mai Vitoria, si tina e suafa ia Marea Yann na maua ua faaoolima iai le tagata i lona fale i le 20 tausaga talu ai.
O le taimi lea e 69 tausaga o le tina ma na maua atu e le tagata faitogalaau i le taeao o le aso 30 o Setema 2003 i lona fale i Healesville ma o suesuega na faia i lea taimi e le coroner na iloa ai e foliga na maliu le tina i le po o le aso 29 Setema ae faatoa maua ai i le taeao.
O le miliona la ua ofoina e leoleo mo faamatalaga e mafai ona maua pe faamaonia ai le tagata poo ni tagata foi sa faaooina le oti i sia tina.
O le 2006 na molia ai le tagata i le mataupu lea peitai e lei faamaonia moliaga ma toe tatala ai i tua ma e oo mai i le asō e lei maua lava se tali o sailiga a leoleo i lenei mataupu.
