Ua faalauiloa I le aso e le faigamalo a Niu Sau Uelese le agavaa o le faitau miliona o tagata ise tasi ofesoasoani tuuina a le malo o le stimulus program e faaigoa o le Dine and Discover lea o le a mafai ai e I latou ua tai 18 tausaga ma luga atu ona agavaa e maua vouchers tai $25 e fa e faaaoga mo taumafataga I pisinisi o loo aofia I lalo o lea faiga.
O le lua o vouchers e mafai ona faaaoga I nofoaga o faleaiga, bars ma papu ma leisi lua e mafai ona faaaoga mo faafiafiaga, entertainment and recreation.O nei vouchers e mafai ona faaaoga I soo se aso ole vaiaso e le aofia ai aso malolo ma e faamuta le aoga I le aso 30 o iuni.
Ua faia lea fuafuaga a le malo ile maea ai o leisi polokalame faataitai sa faia e lua ona vaega e aofia ai foi pisinisi I Sini. Faamatalaga mai le premier Gladys Berejiklian ua faailoa ai o se tulaga lelei lenei e le gata mo le atunuu ae faapea foi o pisinisi e fesoasoani ai foi I le tamaoaiga.
O leisi vaega o fesoasoani a le malo e pei o le Jobkeeper o le a tapunia ilea so 28 o le masina nei ma ua faailoa e mafai ona talosaga tagata I ia vouchers I luga ole app a le Service NSW ma ole a faailoa ane ai foi ma pisinisi e mafai ona faaaoga ai ia vouchers.
