Ua ofoina e le kamupani vaalele a le Ea Niu Sila i ana paaga ma sui lesitala o ana polokalame o le Elite, Gold ma le Silver, airpoints e taofia ai i latou mai le faasolo ane agai i lalo mai ia polokalame.
Ua ofoina foi e le kamupani vaalele bonus points poo togi faaopoopo mo i latou o loo faaauau pea ona faimalaga e pei ona masani ai.
O le faamoemoe o le kamupani e pei ona faailoa i se pepa o faamatalaga, ina ia faamautinoa o loo maua pea e ana paaga faamanuiaga o loo ofoina aemaise i le mae’a o vavao o le koviti sa vaoia ai nisi tulaga masani o femalagaaiga.
O le faatolu ai lenei ona faia e le kamupani vaalele le faiga lea o le Tier Status Extension e taofiofi ai ana paaga.
