Ua ta’utino le Peresetene o le asosi a leoleo, Chris Cahill o loo faatupula’ia soligatulafono e faaaogā ai laau malosi i Niu Sila, ma e lē o mea uma o loo lipotia.
O le faai’uga o le vaiaso talu ai na ta’ua mai ai osofa’iga e 4 o loo feta’ua’ina ai laau malosi ma o lea e aofia ai ma le tasi ua maliu ai le to’atasi sa faia i le ao.
O le tagata lata mai ua uma le soifua ona o lea na fana, o le alii 23 tausaga na fana i le kapaka i Featherston i le Aso Toonai, ma o lea ua molia ai le to’alua i le fasioti tagata.
Fai mai ai Cahill o le mea moni, e lē o mea uma o loo lipotia ma o loo lamatia ai ma le soifua o tagata lautele.
E oo lava foi i malu o le malo o lea ua o latou lagonaina le lē faigofie ona o le to’atele o loo feoa’i ma fana, ma o lea e soo se taavale lava a se kegi e faatū e leoleo, o loo iai lava ma le laau malosi i totonu.
O le leai o se ata a mea o loo sau i lalo soligatulafono nei e faaaogā ai laau malosi i totonu o le atunuu, ua sau ai ma le talosaga ua moomia foi le tuu i luga o faasalaga.
Puna o Faamatalaga: Police Association warns frontline officers are weary of gun crime | Stuff
