Ua faamaonia mai e le minisita o aoga, Erica Stanford o loo aga’i mai le fesoasoani mo fanau a’oga e lē o mafai ona pasi su’ega NCEA.
O su’ega nei o le matematike, faitautusi ma le tusitusi ma o se fesoasoani na faailoa e le minisita i luma o le koneferenisi faaletausaga a le Post Primary Teachers Association.
O su’ega NCEA nei ma suiga o loo toe upuia e sui o le iuni faapea ai ma le asosi o faia’oga ona o le lē laitiiti o le lagolago o loo mafai ona maua e fanau faapea faia’oga a o amata ai nisi o suiga faaopoopo i le tausaga nei.
Ae mai le minisita ananafi o suiga o loo aga’i le malo e faataunuu o le toe iloilo lea o le NCEA Level 1 faapea ai ma le polokalame Kahui Ako.
O su’ega NCEA literacy ma le numeracy lea o loo muamua lava i le lisi o mana’oga o loo fofola mai e pulea’oga faapea sui o le iuni o loo moomia ai le fesoasoani.
Puna o Faamatalaga: Help on the way for students struggling to pass new NCEA tests – Minister | RNZ News
