E lē faatoese le Waka Kotahi i le tapuni o le auala laupapa a le Auckland Harbour Bridge a o faitioina ai e pisinisi ma tagata faigaluega.
O le tali mai lea a le pulega i le talosaga a le Employers and Manufacturers Association ua tatau ona toe iloilo taiala o loo fua iai faaiuga i taimi e tapunia ai le auala laupapa.
O le malolosi o savili i le amataga o le vaiaso lea na tele ina tapunia faafuasei ai le auala laupapa ma e lei fiafia ai le toatele o tagata faigaluega faapea pisinisi na aafia ai.
Fai mai le asosi o lea lava e lei malolosi tele savili ae ua tapuni ai fua le auala laupapa.
Peitai ua tali mai le sui o le pulega a le Waka Kotahi ma fai mai o lea lava na sa’o le faaiuga na faia, ma e lē faatoese foi.
O le auala laupapa a le Harbour Bridge e ausia loa e savili le 90km i le itula ona tapunia uma loa lea o lanes, ma fai mai le pulega e le moomia le toe iloilo mo nisi suiga o lea foi na toe iloilo i le tausaga nei e suesuega tutoatasi.
O le malosi faatapulaa o loo fua iai le tapunia o le auala laupapa o le suiga lea talu mai le 2020 lea na tapunia ai mo le lua ma le ‘afa vaiaso e mafua mai i le loli na ave e savili malolosi, ma i le taimi lea o lea sa 127km i le itula.
