Ua toe tautino le Kainga Ora, ua faitau masina talu ona faaseā atu tuaoi e tusa ma se tasi o le toalua lea ua mafua ai suesuega ina ua faaoo e le tasi le oti i le alii ua uma lona soifua.
O loo iai pea nei leoleo i le fale o le Kainga Ora i Mt Albert i Aukilani lea na uma ai le soifua o se tasi o alii i le vaiaso nei, ae tigaina manu’aga o le tasi.
E toatele tagata ua toe molimau i le Herald i le faapopoleina o i latou ona o alii na aafia i le mataupu lava lenei, ma e lē fou o la suafa e le gata i le pulega o loo vaaia fale nei a le malo ae o le ofisa foi o leoleo.
Na molimau ai le sui o le Kainga Ora, o le masina o Tesema lea na amata faaoo atu ai faaseā i se tasi o le toalua ua aafia, ma e lei leva nei ona toe foi i le fale lea na tupu ai i Mt Albert.
Ua fai mai ai ma nisi, e latou te tuuaia le Kainga Ora, auā o lea lava na iai le avanoa e mafai ai ona fofo ma lē oo mai ai i le tulaga ua iai nei.
E lē o manino poo ai o le toalua na aafia lea o loo faatatau iai tala a le Kainga Ora, poo le alii ua maliu poo le isi lea o loo tigaina i le falemai.
