O le tofi Faipule o le itumalo i le Palemene o se auauna i tagata ae lē na o le faalue i le nofoa o le lima tausaga o le paea’iga.
E ioe foi le tofa Fo’isala Tuu Ioane le sui filifilia o le itumalo faapalota o Gagaifomauga Numera 2, o le faipule o le tagata e tautua ma faalogo i leo o tagata o le itumalo.
Na aumai lea finagalo o le sui faipule filifilia ina ua mae’a ona momoli e lona itumalo i le vaega faaupufai o le Faatuatua i le Atua Samoa ua Tasi i le Aso Gafua o lenei vaiaso, lea sa faatumulia ai le Maota Samoa i Vaitele i le paia maualuga o le itumalo aemaise o le afioaga o Lefagaoalii sa lagolagoina le tofa Fo’isala Tuu Ioane.
