O le a toe totogi e le kamupani fai loan I luga o upega tafailagi le Moola, le 2.8 miliona i ana paaga ile taimi nei ma nisi sa iai I le tuanai ile maea ai o se suesuega sa faia e le Commerce Commission i ana tupe totogi mo auaunaga poo fees.

Lipotia ile televise tasi ua taunuu le kamupani ma le Komisi ise maliega e latou te toe totogiina ai ia tupe paaga na aafia. Ao lei faalauiloaina seisi totogi fou moa so taitasi talu mai Iuni o le tausaga na tea nei, sa tuuina ai e le kamupani interest rates e oo atu I le 620.5 pasene I le tausaga mo le latou auaunaga peitai o nisi o faasea na tuuina ane mai se tasi o auaunaga tau faufautua mai Kalaiesetete, na afua ai loa ona faia le suesuega a le Komisi.

Ile masina o Setema 2017 na faailoa ai popolega a le faamasinoga faaitumalo ile maualuga o totogi o auaunaga a le Moola ma valaaulia ai loa le Komisi ina ia faia se suesuega.

Ona o le koviti 19 na faataga ai le kamupani ina ia faatulaga le aofai o refunds poo tupe toe totogi i ana paaga na aafia ma o le a toe totogiina ia tupe I totonu o le 12 masina.

Ua malilie ae foi le kamupani ia toe lomia nisi o faamatalaga e faatatau I le maliega I luga o le latou upega tafailagi ina ia silafia ai e soo se tasi e fia talosaga mo le latou auaunaga faamatalaga uma patino ile auaunaga.