E amata atu i le masina o Iulai o le a sili atu le tupe e totogi e tagata i Aukilani mo le faaaogaina o le suavai lea o le a siitia i le 9.5 pasene e pei ona faailoa i lipoti i le vaiaso nei.

O le Ofisa Sili o le Watercare, susuga Dave Chambers na ia ta’ua o le siitaga lea ua ogatasi ma le totogi ua ioeina e le fono faatonu ia Tesema 2020 ma o loo aofia foi i le fuafuaga alualumamao a le pulega o Aukilani.

Fai mai a ia, talu mai ona ioeina le tau lea e le fono faatonu ia Tesema 2020, sa feagai mai ai le auaunaga ma luitau e aofia ai ma luitau i le tulaga o le inflation aemaise o uiga louloua o le tau, o lona uiga i se faataitaiga faigofie o le a totogi e le tele o aiga i Aukilani le faasiliga e $2.20 sene faaopoopo i le vaiaso ma ua mae’a faailoa foi i paaga ina ia faafesootai atu le auaunaga pe a iai ni faafaigata i le totogiina o pili.

Ua faailoa e le Watercare a fua iai o le tau o galuega faaleleia mai le afā o Gabrielle ma lologa i Aukilani ua silia lava ma le 250miliona.