Ua faamaonia mai nei i se tusi a le Fofoga Fetalai le susuga Papalii Li’o Taeu Masepau e tali atu ai i se tusi talosaga a le taitai o le vaega faaupufai e Puipuia Aiā Tatau o tagata le HRPP le susuga Tuilaepa Lupesoliai Sailele Malielegaoi e faatatau i le faatautoina o sui o le HRPP i le tauaofiaga muamua o le Palemene lona 17 a Samoa.
Taua e Papalii i lana tusi o le ā le faatautoina sui a le HRPP i le tauaofiaga o le Palemene i le aso a taeao Aso 14 o Setema 2021 ona o mafuaaga nei “o loo tumau lava le lē taliaina e le HRPP ma amanaia le faatautoga na faia i le Aso 24 o Me 2021, ma o le lē amanaia o lea faaiuga a le faamasinoga o le lē amanaia foi lea o le Fofoga Fetalai.
Taua foi e le Fofoga Fetalai ua faia lea faaiuga in o gatasi ma Tulafono Tumau a le Palemene o Samoa ma le Faavae o Samoa 1960.
O lenei tusi na tuuina atu i le taitai o le HRPP i le asō Aso 13 o Setema 2021.
