O le Kovana o Malo o le Taupulega i le Northern Marianas ua ia faailoa lo latou agaga faaaloalo i lē sa avea ma Peresetene o Amerika lea ua tuumalo, Jimmy Carter ma ia ta’ua ai e tele le sao o Carter i lo latou atunuu ma tulaga faa polokiki ma le malo tele.

Saunoa le Kovana o Arnold Palacios o Oketopa 1977 na saini ai e Carter le ioega ma le faamamaluina o le faavae o le Northern Marianas, o se vaega tāua i le talafaasolopito o le atunuu.

Sa faatāua i le saunoaga a le Kovana le ta’ita’iga a Carter a o iai i le Fale Pa’epa’e ma isi auaunaga e pei o le Habitat of Humanity ma isi ma ua nofo tatalo ai le atunuu mo si ona aiga ma manatua galuega tāua na faia e Carter mo lo latou atunuu se tasi o teritori o Amerika.

Puna o Faamatalaga: https://www.rnz.co.nz/international/pacific-news/537899/pacific-leaders-remember-jimmy-carter