Ua saunoa se tasi o polofesa e faamautu i Aukilani, i le tāua o polokalame amata poo Prepration courses i le amanaia ma le faamamaluina titu eseese o vaega faaleaganuu.
Lipotia e le RNZ o le AUT i Aukilani patipatia o taumafaiga o le 206 o i latou ua mae’a polokalame le Uniprep. Faamauina e 5 vaiaso na faagasolo ai lea polokalame e fesoasoani e amata tapena ai fanau aoga Maoli ma le Pasefika i le agai ai i suesuega mo aoaoga maualuluga.
Ta’ua le pro chancellor o le AUT Pacific, Faalogo Jacoba Matapo i le Pacific Waves le tāua o le silasila toto’a i auala talafeagai ma le maumaututū mo lenei polokalame.
Faasoa Faalogo o le iai o se Iunivesite faapei o le AUT, o se avanoa lelei lea mo le faafaileleina o le ola a’oa’oina o le tamaitiiti aoga ina ia manuia ana taumafaiga, o lona uiga e le nao le aganuu foi e taulai iai ae ia mautu se tulaga aoaoina mo le agai i luma.
Faailo e Faalogo o le fa’atāua o vaega eseese e matauina ai foi le tulaga ese ai Niu Sila mae tāua tele le faaauau pea ona taofiofi Iunivesite i le tulaga o mea e faamaoni.
Puna o Faamatalaga: https://www.rnz.co.nz/international/pacific-news/544681/preparation-course-aims-to-support-students-in-life-study-and-culture
