Ua faaoo ane faamaisega ma alofaaga o le to’atele mo se tasi ua loa tausaga o tautua i le gagana Samoa o Janice poo Jan Margaret Cockburn Taouma lea na maliu i le faai’uga o le vaiaso i Aukilani a o si’omia e si ona aiga i le mae’a ai o le finauga ma le gasegase o le kanesa o le māmā.
O se tasi lenei o tamalii sa tautua i le A’oga Faa-Samoa le ulua’i a’oga Samoa ua laiseneina i NIu Sila.
Faamatala e nisi na o latou galulue faatasi, o Jan o se faamalosi’au mo tagata uma ma o se uo agamalu.
Sa iai lana visiona sa taula’i iai mo le faatāuaina o le gagana Samoa.
Na ia amataina le Aoga Faa-Samoa i le vaitau o le 1980 i Grey Lynn.
O se tama’ita’i papalagi peita’i sa tautala i le gagana Samoa ma e malosi le faavae na fausia ai lana auaunaga.
Ua silia ma le 40 tausaga o lana tautua i lea matātā.
Puna o Faamatalaga: https://www.rnz.co.nz/international/pacific-news/568573/jan-taouma-tributes-flow-for-pioneer-of-samoan-language
