Ua lipotia le toe tuu i tua o fuafuaga mo le Polyfest i le tausaga fou ma tuua’ia ai le malo i le lē lava o tupe ua faamatuu ane mo lea faamoemoe. 

O le tausaga fou foi le 50 tausaga o le Festival lea o loo faamanatu ai tu ma aganuu a le Pasefika ma Maoli.

Ua faailoa i lipoti a le RNZ sa fai le folafolaga a le Minisita o Tagata Pasefika, Dr Shane Reti e $5000 o le a faaopoopo i le tupe mo le festival i le tausaga fou ma atoa ai le $60,000 o le tupe mai le malo peitai fai mai le ta’ita’ifono o le Polyfest Trust, Steven Hargreaves ua faamatuu ane lea fesoasoani faaopoopo ae lē taitai gafatia ai le faatupeina o lenei faamoemoe ua faitau miliona lona faatupeina.

Na ta’ua e le ta’ita’ifono, e ao ona silafia e tagata le tāua o lenei taumafaiga e lē gata mo le tamaitiiti a’oga, tulaga e ausia i le soifua a’oa’oina aemaise o le auai ai o tamaiti i a’oga.

O lona manatu “o loo silasila le malo i le festival o se tau o loo totogi ae lē o silasila iai o se inivesi i le faalauteleina o le tomai ma le iloa o talavou.”

Puna o Faamatalaga: https://www.rnz.co.nz/news/national/537478/polyfest-scales-back-they-re-seeing-it-as-a-cost-rather-than-an-investment