O le aso 7 o Novema o le tausaga nei lea ua folafola e le Palemia o Niu Sila o le a faatino ai loa le palota a le atunuu.
Ta’ua e Christopher Luxon ua faatulaga nei foi e le National ana faiga faavae e mautū ma ia faailoa ai i sui o lana vaega faaupufai o le aso 7 o Novema o le a fai ai le filifiliga a tagata ma o latou iloa ai o le National o se filifiliga lelei.
Na ia faailoa foi o le tamaoaiga o le atunuu e ave iai le faamuamua ma e mitamita le vaega faaupufai i galuega ua mafai ona mae’a ausia.
Ta’ua e Luxon ua faamaonia foi e le National e mafai ona o latou galulue faatasi ma isi patī e pei o le NZ First ma le ACT ma o loo matala pea lava lea avanoa.
Puna o Faamatalaga: https://www.rnz.co.nz/news/political/584605/watch-election-to-be-held-on-7-november-christopher-luxon-announces
