O le alii lea o loo tuua’ia i le tatui se’i tulou o pasese e to’alua i luga o se pasi e fealua’i i East Auckland, o le a tula’i i le faamasinoga i le asō.
Ua faailoa e le RNZ sa faia le su’esu’ega ina ua maliu le isi pasese e pei ona ta’ua e 59 tausaga le matua, i manu’aga mai se naifi ae o le isi e 41 tausaga le matua, o loo manu’a tigāina.
Ua pu’e e leoleo le alii e 36 tausaga le matua mai le ogatotonu o Aukilani i le aso ananafi.
O loo ta’ua i le lipoti o i la’ua uma e to’alua, o pasese na aafia na malaga ane i le pasi e pei ona ta’ua mai Glen Innes i Orakei.
O le tala a leoleo e foliga e le’i iai se gaioiga na faia a ē na osofa’ia lē ua molia e ono faaosofia ai le tupu o lenei faalavelave.
Puna o Faamatalaga: https://www.rnz.co.nz/news/national/581398/man-accused-of-fatal-auckland-bus-stabbing-due-in-court
