O le minisita mai Farani, Manuel Valls o le a taunuu ane i Niu Kaletonia i le Aso Toonai o le vaiaso nei e faaauau talanoaga e faatatau i le tulaga o Niu Kaletonia, i le tuto’atasi pe lē tuto’atasi foi mai pulega a Farani.
O Valls lea na tofia ia Tesema e faauluulu iai le faia o faatalanoaga ma ua iai foi nisi faatalanoaga ua mae’a ona faatino.
E 8 aso o lana malaga mai lea i Niu Kaletonia ma o se vaega tāua lea o faatalanoaga faasolo, o le a faailoa ai finagalo o tagata o le atunuu poo fea tonu o taoto ai i le mataupu e pei ona ta’ua.
O loo eseese pea finagalo faaalia o tagata i le mataupu ae o le taunuu ane o le minisita o le a amata atagia mai ai se ata manino o le tulaga o le a ono oo iai Niu Kaletonia i le aga’i atu i le lumanai.
Puna o Faamatalaga: https://www.rnz.co.nz/international/pacific-news/542478/parties-in-new-caledonia-prepare-for-talks-with-minister-from-paris
