O lea ua amata le su’esu’ega a leoleo i le maliu o le tamaitiiti e na o le 8 tausaga le matua, lipotia na manu’a tigaina mai se faalavelave i le po anapo i Hamilton.
O lipoti a le One News ua ta’ua ai le valaau ane o le fesoasoani faavavave i le faalavelave lea i Anthony Crescent i Bader poo le te’a o le 5 i le afiafi ananafi.
O le tamaitiiti e tigaina ona manu’aga ma ni tagata matutua se to’alua sa faamanu’alia foi na ave uma atu i le falema’i i Waikato.
O le tala faanoanoa na faalogoina mulimuli ane ina ua uma le ola o si tamaitiiti.
Fai mai e 37 tausaga o se alii na pu’eina mai le nofoaga na tupu ai le faalavelave ma ua molia i le fasioti tagata ma le faaoolima e tula’i i le faamasinoga faaitumalo i Hamilton i le asō.
Na ta’ua e leoleo i lea lipoti e lē o iai se isi tagata o sailia i lenei faalavelave ma o loo faaauau le su’esu’ega.
Puna o Faamatalaga: https://www.1news.co.nz/2024/09/02/boy-8-critically-injured-in-hamilton-incident-dies/
