Pisi le vaega o tineimu anapo e taumafai e tineia le mu tele na tulai mai i Takanini i Aukilani.
O le mu lea e faapea na aafia ai le laina faleoloa i luga o le Great South Road ma na amata mai le fale tele fogafale lua tu ogatototnu lea ua tele ina faaleagaina nei ona o le afi.
Na tapunia ai ma auala tua faapea le afe i tua mai le motorway poo le off ramp i Takanini anapo ona o le malosi tele o le afi.
I le lipoti a le Stuff o le Takanini Bakehouse, Golden Hutt Takeaway ma le Shere Punjab lea ua matuai faaleagaina uma, ma i nisi o molimau e oo mai i le taimi o tala fou, na amata mai i se tasi o fale’aiga ma sosolo ai i isi pisinisi o loo tutu faatasi.
