E toatasi le tagata ua ma’umau lona soifua ona o le mu na tulai mai i Pukekohe i Aukilani i le afiafi ananafi.
Pe tusa o le ‘afa o le itula e 6 i le afiafi ananafi na mu ai le fale lenei i Victoria St i Pukekohe ma e 22 le aufaigaluega a le tineimu na taumafaia le tineiina o le afi.
O tagata tuaoi lea na viliina le fuimu, ma i faamaoniga mai le ofisa o loo faia nei suesuega i le mafuaaga o le mu aemaise ai o le soifua ua ma’umau.
