Na pisi le vaega o tineimu i le vaveao analeila e taumafai e tineia le mu na tulai mai i se tasi o pamu penisini i Aukilani.

O le latalata i le itula e 4 i le vaveao na lipotia ane ai ua mu le pamu a le Z o loo pipii faatasi ma le fale’aiga a le Burger King i Great South Road i le tuaoi o Taka St ma Graham Rd, ma e faapea e 11 taavale fuimu ma le 50 o le aufaigaluega na taumafaia.

E oo mai i le taimi o tala fou o lea ua mate ma e lē o iai se tulaga lamatia i tagata lautele.

Peitai o loo faaauau ona tapunia pea le auala i le taeao ma o loo fautuaina foi tagata e taumamao ma lea nofoaga.