Na motusia faafuasei le eletise i Matu o Aukilani anapo, ae leiloa poo le ā le mafuaaga.
I tala mai le Vector o fale o aiga i Warkworth, Puhoi, Matakana faasolo atu i Matu lea na aafia ai ma e lei faigofie i aiga le motusia o le eletise i taimi malulu o le po.
Mai nisi o aiga o le latalata i le itula e 7 i le afiafi na amata leai mai ai se eletise, ma e faatoa toe ola atu ua lata i le itula e 10 anapo.
Na faitioina ai e aiga na aafia le pulega a le Vector ona o le mea na tupu.
E lei faamautinoa mai e le Vector pe fia fale o aiga na aafia, ae mai le ofisa o tineimu e lei oo atu ni lipoti poo ni faalavelave foi e ono mafua ai le motusia faafuasei o le eletise.
