O lōlōga faafuase’i i Morocco ua maliliu ai a itiiti mai pe to’a 37 o tagata e pei ona lipotia e le BBC i se taimi e le’i mamao atu.
Fai mai le lipoti o gataifale o le faaitu o Safi lea na matua’i aafia.
O taavale ma otaota ua vaaia le tafefea ese mai mai le aai lea i le mae’a o timuga tetele na aafia ai i le Aso Sa.
E to’atele tagata o loo i le falema’i ona o manu’aga mai ia lōlōga ma le tele o fale ua aafia i tafega.
Fai mai le to’atele o tagata e nonofo ai i lea faaitu o se aso pogisa lenei mo latou ma o le to’atele ua leai uma ni mea totino ua ave uma e lōlōga.
O le faamatalaga mai le malo o loo faaauau i le taimi nei galuega lavea’i mo le sa’ilia o tagata o loo lipotia o loo leiloloa.
O le faamatalaga mai le vaaitau a le atunuu e faatetele timuga, e alu ane faatasi ma le ‘aisa i le Atlas mountain i lea lava itu o Morocco.
Puna o Faamatalaga: https://www.bbc.com/news/articles/cjwyzlly6eno
