O loo moomia e le Auckland Transport nisi tupe faaopoopo e faaauau ai femalagaiga
I luma o le komiti ua taua o le Regional Transport Committee o loo faamatalatala ai e le Auckland Transport le utiuti o le faasoa le faatusalia ai I le alu I luga o le tupe alu
Ese mai le taugata le faatautaiga o auaunaga tau femalagaiga I Aukilani, o le isi itu o loo faigata ai ona ua faaitiitia tupe maua mai le matagaluega a le Waka Kotahi
O aafiaga foi o le Koviti ma ona sa na tele ai ina le toe faaaogaina e le toatele o femalagaiga lautele aemaise le toatele ua galulue atu I le fale
I le tala faatatau o le tupe ma le vaai mamao mo le isi tolu tausaga o I luma ua na o paleni toese poo le negative, ma ona o lea ua fuafua ai o le a iai suiga I lana Regional Land Transport Plan $37 piliona mo le 10 tausaga lea na fuafua e faaleleia ai femalagaiga lautele aofia ai ma auala mo taavale, auala savali faapea auala o uila
I ripoti e oo mai lava I le taimi nei e le o toe tutusa lava le toatele o tagata faaaogaina femalagaiga lautele ma le taimi ae e le I oo mai le Koviti
