Afai e solo tetee, solo tetee agai i le Palemene ae le o luga o le motorway.
O le finagalo lea o le pulenuu fou o Ueligitone Tory Whanau ma o loo taulai lea i le toe poloka ai o le highway a le aai ananafi, ma e faapea o le faalima ai lea talu mai le vaiaso ua alu.
O le tetee a le Restore Passenger Rail ananafi o lea na saofafai i luga o le motorway i Porirua ma na matuai poloka ai ma taavale feoai.
Saunoa ai le pulenuu, o loo ia malamalama i le feau o loo aumai e le au tetee, peitai e tatau foi ona mafaufau i tagata aafia e le tagata i tagata feoai, o pisinisi faapea le loaloa o le komiuniti.
Ua valaau mai ai Whanau e momoli sa’o le feau i le malo poo le savavali lea agai i le maota fono.
O loo lagolagoina e Whanau le feau o loo momoli mai e le au solo tetee, ma ua ofo mai ai foi e mafai ona avea ia ma avefeau e momolia finagalo agai i le malo.
Ese mai i le solo tetee lenei ananafi, o le aoauli nei foi o le a toe poloka ai le tele o auala ona o le tetee tele a le aufaifaatoaga ma tagata o loo lagolagoina le Groundswell.
