O loo faatali pea le aiga o le alii taalo kilikiti lauiloa a Ausetalia faapea foi le atunuu atoa ile taimi e taunuu mai ai I fanua le tino maliu o Shane Warne mai Thailand lea na maua mai ai le tala faanoanoa I le faaiuga o le vaiaso ua uma lona soifua.
E le o faamaonia tonu le mafuaaga o le maliu e ui o loo fetauaina o se faaletonu I lona fatu ma o loo faatalia foi le iuga o le post mortem o loo faia I Thailand ona faatoa aumaia ai lea o le tino maliu I Ausetalia nei.
O loo taua sa iai ma nisi o ana uo I se resort I Thailand ae tupu ai le faaletonu ma talu ona maua le tala I lona maliu ua faitau afe tagata ua faaoo faamaisega ma alofaaga mo si ona aiga I luga o upega tafailagi e pei o le facebook, twitter, Instagram.
Fai mai nisi o lipoti sa aafia ile asthma ma tallu ai ne isa agai e vaai le fomai ona sa faalogoina le tiga o lona fatafata, Ua ofoina e le malo le faia o se sauniga faamalo no Warne mae toatele e manatu e alagatatau ona faia ile MCG o le malae kilikiti tele I Vitoria sa faaautu iai le tele o lona taimi I taaloga. E lasi finagalo faaalia o tagata I mea e manatua ai le alii taalo e le gata I lana taleni ao ona uiga malie foi fai mai nisi o molimau o se tasi itu e fiafia ai le toatele ia Shane Warne ona e amanaia e le alii taalo soo se tagata, pe taualoa pe leai e fiafia lava ia I tagata uma.
E maliu Warne ua 52 tausaga o le soifua ma e toatolu si ana fanau
