Na saisai mai e leoleo tagata e toalua e fesootai ma le tino maliu o le alii talavou ia Teina Pickering lea na maua i le ogatotonu o le auala i Ruakaka.
O le taeao o le Aso Tofi o le vaiaso talu ai na maua ai le tino maliu ae oo mai i le Aso Toonai faatoa uma atu na saisai mai ai le tama 29 tausaga ma tulai ai i luma o le faamasinoga i le aso lava lea, ma o loo taofia nei i lalo o vaavaaiga a leoleo e talia lona toe tulai i le aso a taeao.
O le isi tama faatoa taofia ma molia ananafi ma e tu i luma o le faamasinoga i le asō.
O moliaga e fesootai ma le umi o auupega malosi faasolitulafono lea o loo molia uma ai, ma o loo faaauau pea suesuega a leoleo ma le tala e ono faaopoopo moliaga faasaga ia i laua nei.
