Ua faamaonia mai e le Sui Komesina o Leoleo Auapaau Logoitino Filipo le molia ai o se tina matua (grandmother) i le moliaga o le faatamala ua afua ai le maliu o lama tama teine pepe (negligent manslaughter) ma o le a tulai i luma o le faamaisnoga maualuga i se aso o le masina nei.
E pei ona silafia o le masina o Oketopa na ō ai lenei tina matua ma lana pepe teine e faatau. Na agai i Apia ma se tasi o lona aiga lea na faafoeina le taavale.
Taua e Auapaau “Ina ua toe foi i Faleasiu, ua moe lea teineititi i totonu o le taavale, na galo i totonu o le taavale sa paka i fafo o le fale a lea aiga mo le 4 itula, ina ua faatoa manatua e le aiga le teinetitit ua tuai ua uma lona ola”.
O le Aso 14 o Tesema o le vaiaso fou lea o le a tulai ai lea tinā matua i luma o le faamasinoga maualuga.
Na fautuaina ai foi e le Sui Komesina matua uma ina ia mataala aemaise lava i fanau laiti pe a agai i soo se nofoaga mo lo latou saogalemu aemaise lea ua lata mai aso fiafia.
