E na o le 17 tausaga o se tamaititi ua molia nei e loleo ona ua feta’ua’ina sa ia tatui se’i tulou se tagata i le taulaga faatau i le itu i Matu i Sisifo o Melepone i le aso ananafi.
O le faamatalaga a leoleo ua feta’ua’ina ai o tama e toaono na fai fusuaga e lata i se faletifaga i le mall lea i Rosamond Rd i Maribynong ma oo ane ai lea vevesi i le vaega o iai se fale’aiga e lata ane tusa lea o le tea laitiiti o le ono i le afiafi.
Fai mai e toalua tama sa faaauupegaina i agaese ma e 18 tausaga o se tasi alii mai St Albans ua avatu i le falemai e masalomia o loo iai manu’aga i lona lima ae o le isi 18 tausaga mai Sunshine North, 17 tausaga mai Braybrook ma le isi 18 tausaga mai Deer Park na pueina e leoleo i lea nofoaga, fai mai lipoti na toe tatala i tua i laua mai Sunshine North ma Deer Park ma e talitonu leoleo e masani uma i latou ia.
O le 17 tausaga lea ua molia i moliaga tau faaoolima ma le umia o auupega.
Fai mai ua toe tatala i tua e faatali ai se aso e tulai ai i le faamasinoga o tamaiti ae o loo faaauau suesuega a leoleo.
Puna o Faamatalaga: https://www.9news.com.au/national/boy-charged-over-shopping-centre-stabbing/fb20062c-7a1e-4977-a2a8-6be4e1e44d17
