Ua iai se moliaga ua faia nei e leoleo ile faalavelave ua maliu ai se tagata I Aukilani I le taeao o le aso ananafi.Lipotia e le Televise a Niu Sila o se alii ma o loo taua na valaau ane le fesoasoani a leoleo I se tuatusi I Abiru Crescent I Favona ao lei taina le fa I le taeao ananafi ma maua atu ai le tagata lea o loo faamanualia.
Na faia iai togafitiga ma galuega fesasoani peitai e lei manuia ma na maliu ai lava I lea nofoaga, O le aso lea ua fuafua e tulai ai se alii e 37 tausaga lea ua faia iai moliaga, I luma o le faamasinoga faaitumalo I Manukau.O moliaga o le faaoolima ma ua taua e leoleo o loo faaauau le suesuega ma e le o faapea mai na pau ia o moliaga o le a faia I lenei faalavelave.
O le ua maliu ua faailoa mai e 49 tausaga le matua o le soifua.
