Ua iai le tagata lea ua molia i le faalavelave na maliliu ai tamaiti e toalua i Sini i le vaiaso nei.

O tamaiti na maliliu e 13 ma le 14 tausaga le matutua ae na sailia ai e leoleo isi alii e toalua o Nicholas Thew and Anthony Morris lea na agai ane i le ofisa o leoleo i le aso ananafi ma pueina ai e leoleo. 

O le isi alii lea o Nicholas 27 tausaga na faatoa tea mai le falemai i le taeao analeila ma ua molia loa i le mataupu e aofia ai le avetaavale matautia ua mafua ai le maliu ma le lē tu ane e fesoasoani i ē na aafia. 

O loo feta’ua’ina foi e foliga e lei iai lava se laisene avetaavale o lea alii.

O le asō na tulai ai i le faamasinoga.