Ua pu’e faapagota ma ua taofia nei e leoleo se alii e 40 tausaga le matua o Aukilani, ua molia i le tele o matāupu na ia tatala faamalosi ai ni taavale ma ave faagaoi ni meatotino; na faia e lea tagata i le tele o faaitu o Aukilani na amata mai lava i le aso 23 o Aokuso i le tausaga e 2023.
O loo faamauina na mafai ona maua e leoleo le sootaga o lenei alii i le tele o matāupu, e aofia ai le ave faagaoi o masini komepiuta – o laptops, o meafaalogo muskia poo headphones ma le tele o meafaigaluega ma masini eleteroni – electronics pe ā ma le $45,000 tau aofa’i mai se tasi o pisinisi i Mount Eden.
I faamatalaga mai le auaunaga o leoleo – North Shore, Rodney & West Auckland Police na ta’ua ai le faatino o se sa’iliga a leoleo e ala i se pepa faataga, search warrant i se tasi o nofoaga i Kumeū, na maua ai pauta faasāina o le methamphetamine, o se tasi o meafaigaluega ua faaigoaina o le drug paraphernalia ma le anoanoa’i o meatotino gaoi.
O le a tula’i lea alii i luma o le Faamasinoga Faaitumalo o Waitākere i le aso 2 o Mati i le tausaga fou e tali i ona moliaga; e aofia ai le gaoi i taavale, umiaina o meatotino gaoi, o le faaaogā ai o ni pepa ma ni faamaumauga e ono maua faasolitulafono ai ni tupe, ma lona umia ai o le fualaau faasāina o le methamphetamine.
Na faailoa e leoleo ua toe faafoi nei le tele o meatotino i tagata e onaina ia mea tāua.
Puna o Faamatalaga: https://www.facebook.com/share/p/1FF3ZmLReQ/
