Ua molia se alii i se faalavelave tau taavale e aofia ai ni taavale se 3 na uma ai le ola o se teine talavou i Victoria i le amataga o le masina nei.
O loo feta’ua’ina o se taavale Toyota Camry, Toyota Aurion ma le Mazda na feto’ai i le fetaulaiga ala i Pine Lodge e lata i Shepparton i le aso 19 o le masina nei lava.
O le avetaavale la o le Camry 30 tausaga o se alii mai Kialla na manu’a tigaina ai ma aveina atu i le falemai.
O se isi o ana pasese o se teine talavou e 16 tausaga na manu’a tigaina ai foi ma maliu ai i le falemai mulimuli ane.
Na manu’a foi le isi ana pasese ma ua faasolo manuia atoa ai ma le isi e lei iai ni ona aafiaga mai lea faalavelave.
O isi avetaavale ma pasese na manunu’a foi ma aveina atu uma i le falemai mo togafitiga.
O le avetaavale o le Camry lea e 30 tausaga ua molia i le avetaavale matautia ua afua ai le maliu ma manu’aga tuga.
Ua tatala i tua e faatali ai le aso 6 o Me e tulai ai i le faamasinoga.
Puna o Faamatalaga: https://www.9news.com.au/national/man-charged-over-deadly-pine-lodge-crash-killed-teen-girl/47957b7c-91e7-43d7-93b6-cc6262cb46ce
