O loo tuua’ia nei se avetaavale uber i le faia o uiga matagā fai faamalosi i se pasese i lana taavale i le itu i Sisifo o Sini i le amataga o le masina nei.
O lipoti mai le 7News ua ta’ua ai lea tulaga e faapea o le alii avetaavale 48 tausaga sa faigaluega i Ashfield lea e feta’ua’ina na ia faaoolima ai i le tamaitai sa i totonu o lana taavale poo le ‘afa o le fitu i le taeao o le Aso Sa, 5 o Me.
E lima aso na faia ai se suesuega i lenei mataupu ma pu’eina ai loa le alii lea mai se fale i Birrong, na pueina i le Aso Faraile talu ai.
Ua molia ai nei i le faiaiga faamalosi e pei ona faamaonia mai e leoleo i NSW.
O le Aso Toonai na te’a nei na tulai ai i le faamasinoga i Paramatta ma o loo taofia pea e leoleo e toe tulai i le faamasinoga i le aso 10 o Iulai.
E lē o ta’ua se faamatalaga mai le Uber e tusa o lenei mataupu.
Puna o Faamatalaga: https://7news.com.au/news/woman-allegedly-raped-by-uber-driver-in-sydneys-inner-west-c-14672185
