E 28 tausaga o se alii ua molia nei ile faalavelave na maliu ai se pepe tama I aukilani I saute. O le pepe na maua ua maliu ise fale I Sandbrook Avenue I Otara ilea so 22 o le masina nei.
Sa faia ai le suesuega a leoleo ma ua pueina ai lea alii ma molia ile faaoolima ise tamaititi.Taua e le satini sinia o Veronica McPherson e le o aveesea ile taimi nei le manatu e ono iai nisi moliaga faaopopo. E lima masina le matua o le pepe ma o loo faaauau pea suesuega.
O loo iai nisi lipoti o loo taua ai e lei leva ona aumau le aiga o le pepe I le fale lea mae o le tolu ai lea o pepe ua maliliu mai le faaitu lea o aukilani I saute talu mai le masina o Me.
Ise lipoti lata mai foi I le pepe na osofai e se taifau I Hamilton ile amataga o le vaiaso ua faailoa mai le tala faanoanoa I le aso ua iu lava ina maumau lona ola ae faatoa tasi le aso talu ona fanau mai.
Ole falemai I Waikato sa taofia ai mo togafitiga peittai ua faailoa mai ile lipoti a le stuff I le aso ua maliu ae o le faalavelave na tulai mai I le pitonuu o Enderley I Hamiltone. E le o faailoa maia pe ose pepe teine poo le tama ae le o iloa foi nisi faamatalaga e uiga I le taifau na osofaia.
