E toatolu malu o le Mālō ua faamālōlō lē tumau ua molia nei i le aafia o le amio i tulaga ua soli ai taiala o galuega faaleoleo e mafua mai lea i suesuega faalotoifale a le Matagaluega i tuuaiga o le aafia o ia leoleo i faaoga o fualaau ma laau faasaina.

Ua faailoa lea tulaga e le Sui Komesina le afioga Afamasaga Samuelu ao tālia ai le tuu atu o tali a ia leoleo i o latou moliaga.

O le faamasinoga faaleoleo le Police Tribunal e ono suesue atili ai le tuuaiga nei pe afai o le a teena uma moliaga e leoleo ua faapena ona faamālōlō lē tumau.

E silia i le to’a 20 malu o le Mālō ma agai iai le suesuega faalotoifale e mafua mai i tuuaiga i lo latou aafia i le faaaogaina o laau ma fualaau faasaina o le aisa ma le mariuana ma e toatolu ua faamālōlō lē tumau ma ua molia ae toalua ua  faamavae.