E pei e malie i le faafofoga a nisi le maua mai o se lipoti i le asō ua ta’ua ai e toafitu tagata ua molia nei leoleo mai le faaitu o Tasmania ona o le gaoiga o fafie.
I se pepa o faamatalaga mai leoleo ua faamatala ai o se alii e 3 tausaga mai Oakdowns lata i Hobart lea ua molia i moliaga e 11 o le solivale o fanua ma le 11 o moliaga i le gaoi ina ua maua lelei atu o o latou osofaia le Tin Pot Marsh Creek Reserve i le vaiaso nei.
Feta’ua’ina e silia ma le 50 tone o fafie na ia gaoia e tusa lea o lona tau aofai pe a faatauina e 10 afe.
O loo faatali lona faamasinoga a o le isi toaono fai mai na maua foi i se suesuega o le a maua samania e tulai ai i le faamasinoga mo soligatulafono o le gaoi ma le solivale o fanua o isi e aunoa ma se faatagana.
Ua faamanatu e leoleo o loo iai auala e uia pe a manao e aoina mai ni fafie ma o loo iai foi pemita o loo avanoa ane e mafai ai ona agai le tagata ia e faaputu ana fafie pe a manaomia, ae o le faatino o le soligatulafono e le gata i le tigaina i le lauina o fafie ae toe faaopopo atu iai ma se faasalaga e faia mai e le faamasinoga, ua sili ai la ona tuu.
O loo faia nei suesuega i lea mataupu.
