Tele ututau, tupe pepa faapea fualaau faasāina na maua i osofaiga a leoleo i Aukilani. 

Silia ma le $22,000 tupe pepa na aumai e leoleo, ututau, tele o meatotino o loo lolomi ai faailoga o kegi faapea fualaau faasāina na maua mai Aukilani i Saute i le vaiaso ua alu. 

Ese mai i lea na maua mai ai foi ma se tasi o pasika gaoi ua lua tausaga talu ona lipotia ua leai, ma e tusa ma le $20,000 lona tau. 

Ua molia ai e leoleo le tamā 34 tausaga, ma o se tasi lenei o osofaiga faalilolilo a leoleo o loo faaauau pea e taulai i kegi ma faiga faasolitulafono.