Ua faamaonia mai e le Komesina o loo tauaveina le Matāgaluega o Leoleo i le taimi nei (Acting Commissioner) ia Afamasaga Leiataualetauā Logoimauga Samuelu Afamasaga, le molia ai o le ‘aufaasalalau e to’alua o le polokalame o le Maota o Viiga o le Atua mai Sini i Ausetalia.
O loo masalomia i la’ua i le faasoesā e faaaogā ai auala o fesoota’iga faaeletoroni.
O le asō sa faatino ai moliaga a leoleo ma ua tatala i tua i la’ua uma i aiaiga e tatau ona saini atu i le ofisa o leoleo e faatali ai le aso 11 o Novema e tula’i ai i le Faamasinoga.
Ua faailoa mai foi i le tulafono o soligatulafono i lona fuaiupu e 219 ua afua mai ai moliaga o i la’ua nei.
O le polokalame ua ta’ua e masani ona maimoa iai le to’atele i luga o faasalalauga i le social media.
- Harassment utilising means of electronic communication
- Harassment utilising means of electronic communication – A person is liable to imprisonment for a term not exceeding 5 years who intentionally initiates any electronic communication, with the intent to coerce, intimidate, harass, or cause substantial emotional distress to a person, using an
electronic system to support severe, repeated, and hostile behaviour.
