Ua molia tama e toalua na fe’a’ei i luga o le tumutumu o le fale tele o le uafu i Aukilani.
E toeititi lima itula o faatauanau e leoleo le toalua ua molia e omai i lalo i le Aso Faraile, mai le te’a o le 12 i le aoauli na amata iloa ai.
O i laua nei o le 21 tausaga ma le 65 tausaga ma o lea ua molia i le iai i lea nofoaga faasolitulafono.
O le asō e faatoa tulai ai le 65 tausaga i luma o le faamasinoga faaitumalo i Aukilani, ma o lea foi o loo tatala i tua i lalo o tuutuuga.
Ae mo le 21 tausaga o lea o loo faaauau ona taofia i lalo o vaavaaiga a leoleo ma o lea na tu i le faamasinoga i le Aso Toonai.
