Ua maua e leoleo tagata toalua o loo tuuaia i le faia o tupe pepa faasolitulafono.
O i laua nei na saisai mai e leoleo ananafi i Rotorua, o le alii 18 tausaga ma le tamaitai 22 tausaga.
Na aumai faatasi ai ma le masini na faaaogā e lolomi ai tupe pepa tai 10, 20 ma le 50 tala.
E lua moliaga na tutulai ai lava i luma o le faamasinoga ananafi, ma na ta’ua e leoleo o pepa lea na faaaogā e i laua nei e lolomi ai tupe pepa nei e le o pepa mao’i.
Ua fai mai leoleo afai ae e mauaina se tupe pepa e le o se tupe pepa mo’i, e fautuaina e vave faafesootai le ofisa o leoleo ina ia tuuitiitia ai le salalau pea i tua o tupe nei na lomia faasolitulafono.
