Ua molia le tina e fesootai ma le tino maliu o le pepe lea na maua i totonu o le lapisi i le falemai i Middlemore i Aukilani.
O Aokuso o le tausaga talu ai na maua ai le tino maliu o lea alualutoto, ma i lipoti a le Herald o le lapisi o le falelēta’ua lea na maua ai.
I lipoti o le tina o le pepe na ave ai e nisi o lona aiga i le falemai mulimuli ai fanau ma e le o manino poo le mea na silafia e tagata o le aiga o lē ua molia a mea o loo maitaga.
E ese mai le mataupu lenei, o Aokuso lava foi lea na maua ai le tino maliu o se isi pepe teine i Onehunga i Aukilani i le nofoaga e lafoai ai otaota, ma e oo mai i le asō o loo sue pea le tina o lena pepe.
