E talavou le tamaitai ua molia nei i le fasioti tagata ina ua feta’ua’ina le maliu ai o si ona uso e 10 tausaga o loo feta’ua’ina na ia tatui se’i tulou i se fale i Lake Macquarie i Niu Sa Uelese i le aso ananafi.
Na faavave atu iai le fesoasoani faavavave ina ua lipotia ane le faalavelave lea i Boolaroo pe ā ma le20km mai le itu i Sisifo o Newcastle i le te’a o le 3 i le aoauli ananafi.
O le teineitiiti na aafia na togafitia e paramedics e tele manu’aga i lona tino ae na maliu ai lava i lea nofoaga e pei ona faamaonia mai e leoleo.
O lona uso matua lea e 17 tausaga na pueina ai ma ave atu i le ofisa o leoleo i Belmont ma faia ai suesuega a leoleo le aso ananafi.
O lea la ua molia le 17 tausaga lea i le fasioti tagata ma e lē o mafai ona tatala i tua ae o le asō e tatau ona tulai ai i le faamasinoga o tamaiti.
Puna o Faamatalaga: https://www.9news.com.au/national/teen-arrested-after-girl-10-dies-from-stabbing-in-nsw/cedb294e-8a31-4694-959b-d7c2a4ee2aa4
