Molia le Sui Faipule o le FAST i le avetaavale onā

O le afioga ia Toeolesuluu Cedric Schuster lea na manumalo mai le faigapalota i le Aso 9 o Aperila mai lona Itumalo o Aana Alofi No.3 lea ua molia nei e le Mataglauega o leoleo i le masalomia ai i le ave taavale a’o faasuāava.

Na faamaonia mai e le Komesina o Leoleo Fuiavailiili Egon Keil le taofia ai o lea sui faipule i le ofisa o leoleo i le po anapo ma molia i moliaga ua ta’ua.

E pei ona silafia o le aso ananafi lea na patipatia ai e le FAST le atoaga o le tasi tausaga talu ona faavae lea vaega faaupufai ae le gata i lea o le 59 tausaga o le tutoatasi o Samoa mulimuli ane ae tulai mai loa le faafitauli.

O Toeolesulusulu na tofia e le taitai o le FAST Fiame Naomi Mataafa i le Aso Gafua 24 o Me 2021 ina ua maea le latou faatautoga na fai e avea ma Minisita o le Matagaluega o Punaoa Faalenatura ma le Siosiomaga.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required